Şimali Koreya Seneqal və Qvineyadakı səfirliklərini də bağladı.
Vətəninfo.az xəbər verir ki, Cənubi Koreya Xarici İşlər Nazirliyindən Şimali Koreyanın son aylar bəzi ölkələrdəki səfirliklərini bağlaması ilə bağlı açıqlama verilib.
1972-ci ildə Seneqal, 1969-cu ildə Qvineya ilə diplomatik əlaqələr quran Şimali Koreya bu ölkələrdəki nümayəndəliklərini bağlayıb, ümumilikdə isə xarici ölkələrdəki rəsmi təmsilçilərinin sayını 53-dən 46-ya endirib. Bu addımda ən böyük amilin “ölkəyə qarşı qlobal sanksiyalardan doğan iqtisadi çətinliklər” olduğu bildirilib.
Xatırladaq ki, Şimali Koreya son aylar Anqola, Uqanda, Banqladeş, Nepal və İspaniyadakı səfirliklərini bağlayıb.
