Şri-Lanka öz vətəndaşlarının xarici (o cümlədən Ukrayna) ordularında döyüşmək üçün cəlb edilməsinin qarşısını almaq üçün bütün səylərini göstərib. Vətəninfo.az-ın “RİA Novosti” yə istinadən verdiyi məlumata görə , bu barədə Şri-Lankanın xarici işlər naziri Əli Səbri bildirib. O, əlavə edib ki, Şri-Lankanın təhlükəsizlik orqanları yerli agentlərdən birinin Ukrayna tərəfdən Rusiyaya qarşı döyüşmək üçün muzdlular cəlb etdiyini əvvəllər öyrənib.
“Şri-Lanka bir ölkə olaraq yerli agentlər vasitəsilə işə götürülmənin qarşısını almaq üçün bütün səylərini göstərib” dedi xarici işlər naziri.
KİV-in məlumatına görə, bir neçə gün əvvəl Rusiya artilleriyasının Artyomovski bölgəsinə endirdiyi zərbə nəticəsində Ukrayna Xarici Legionunda xidmət etmiş keçmiş xüsusi təyinatlı zabit də daxil olmaqla, Şri-Lankanın üç keçmiş hərbi qulluqçusu həlak olub.
